انقلاب

انقلاب ستمدیدگان را آزاد نمی کند تنها استثمارگران را عوض می کند.

 برنارد شاو

گوزلرين

گور نئجه اوخشاردي يوخوسوزلارا

سنين بو اوزولوب ياخان گوزلرين

گاه بيهوش ائيليسن آز قالدي منيم

ايلديريم سرعتيله چاخان گوزلرين

گلن چوخدور بو وسفينه سسينه

گوزللر نه دئسينلر بس سنه؟

اؤزي عاشيق اولدورور بير گلسه نه

هردن خومارلانيب باخان گوزلرين

قاتيبسان لبينه شکر،قندي

کيملر اويرتميشدي سنه بو فندي

داغيتدي آتلادي اوباني کندي

داغديب ائويم ييخان گوزلرين

واريب يئره سردن گلديگيم يئرده

شمشيري آغلادين گولدوگم يئرده

سينه مه اوخ ووردون اولدويوم يئرده

مني نوکر ائتدي او خان گوزلرين

***

گئنه نغمه کيتابيني اوخودوم

حيران اولدوم هر ايشينه شاعرين

ترلان کيمي قانادآچديم هاوادا

چاتان وارمي يئريشينه شاعيرين

سنه حلال اولسون بو قايبل صنعت

بو عاغيل بو کمال فهم-فراصت

عاريف ده عاليم ده وئرجک قيمت

يئريشينه –دوروشونه شاعيرين

گليشينه بيزيم ائللر سئوينر

چمنلر بزه نيب گوللر سوئينر

شمشير ائله گوروشونه شاعرين

یازان: دده شمشیر