| تبليغات | X |
 |
 |
|
| عشق و دوستی |
|
دونیا آنا دیلی گونو ،هامی آنا دیلینده یازیب اوخوما حسرتی چکنلره قوتلو اولسون.
آنام منی اویدورماز
مدرسه ده موعللیم یئنه دؤیدو الیمدن باجارمادیم فارسی'نی ایراد توتدو دیلیمدن
دئدیم: آغا موعللیم وورما، گؤینه دی الیم نه دیر آخی گوناهیم توركو'دور منیم دیلیم
یاپیشدی قولاغیمدان دئدی: بوراخ توركو'نو او قالدی ائوینیزده اونوت گئتسین كؤكونو
اؤیره نمه سن آب – بابا آچاجاقسان الینی كؤتك یئیه ندن سونرا اونودارسان دیلینی
سنین هاران تورك'دور؟ آذری'سن ، آذری كیم اؤیره دیبدیر سنه بئله یانلیش سؤزلری
آخدی گؤزومون یاشی تیتره دی دیل – دوداغیم بئله یالان سؤزلره اینانمادی قولاغیم
آنام منی اویدورماز آتام منی آللاتماز بو سؤزلرین هئچ بیری منیم عاغلیما باتماز
نییه منیم آدیمی سوروشماییر اؤزومدن نییه سؤزون دوزونو اوخوماییر گؤزومدن
هركس یالان دانیشسا آللاه'ین دوشمانیدیر من كی یالان دئمیرم بو اونون یالانیدیر
لایلای دئییبدیر آنام منه بئشیكده توركو دانیشمیشیق هامیمیز ائوده – ائشیكده توركو
نه دن گرك یازمایاق دیلیمیزی كیتابا؟ مدرسه ده نه اوچون گلمه یك بیز حئسابا؟
هئچ عاغلیما سیغماییر نه دیر بونون جاوابی سو یئرینه اوخویام مدرسه میزده آب'ی
یقین كؤتك یئمزدیم اوخوسایدیم دیلیمی گؤینه رتیدن سیخمازدیم قولتوغوما الیمی
قوی بؤیویوم بیر اؤزوم اولاجاغام موعللیم اوندا چوخ ایش گؤره جك بو گون گؤینه ین الیم
كیلاسیمدان گله جك ائلیمیزین اؤز سسی اولاجاقدیر او زامان تورك'ون ده مدرسه سی
|
|
صفحه نخست پست الکترونیک آرشیو |
| درباره وبلاگ |
یازان: KÖNLİ G@NLİ
A.SH.M.O |
| آرشیو موضوعی |
|
راز آفرینش ترانه های دلم انتقاد و محبوبیت نصیحت مفهوم و تعاريف عشق از دیدگاه بزرگان عاشقانه ها چرک نویس های یک دیوانه متفرقه حرف های زیبا از بزرگان زن انسان و جنسیت شعر و ادب مناسبت ها |
| پیوندها |
|
تنهاتر از تنها-وبلاگ خودم غریبی بد دردی هست عشق یک حادثه است ولی جدایی یک قانون بهشت گمشده حرفهای ناتمام دکتر شریعتی |